2020.07.10 (新嘗試 - 模擬操作)

想作出一d新嘗試, 模擬操作買賣, 睇下自己眼光.......有幾唔惦...哈哈

買入: 長和(00001) @ $50.3
買入: 新意網(01686) @ $6.11

2020.07.10

最近科網股熱都好犀利, 先係美國FANG不停破頂, 已高過疫情爆發前不少。之後中概既科網股先後在美國及香港股市節節上升..

IPO抽既一手阿里(9988)同$8.5買既小米都升到飛天, 簡直就係牛氣沖天。

一直係到唸, 除左已經升到飛天既FANG同ATMX, 仲有咩野機會...唸左幾日, 決定睇準時機入手中國平安(2318)。

本身留意左平保好耐, 由佢接近$100時已一直留意, 係一隻優質股, 但一直礙於太貴而未有心動.. 由於自己既工作關係, 見到中資保險既競爭力越黎越高, 加上平保係國內龍頭, 利用科技搞金融, 而且係國內亦有銀行, 醫療等業網..

我好主觀咁認為平保亦都係科技股, 亦睇好未來十年中國既科金融市場, 所以希望可以搭上平保的順風車。見最近平保股價稍稍回落, 就襯機會收隻, 作為組合長線成員之一。

買入: 中國平安(2318) @ $88.4

原因: 睇好未來十年國內金融科技

持貨目標: 長線

P.S. 尋日都幫貓仔入左兩手領展@ $64.1, 幫佢踏出投資股票既第一步 (心裡面已經預左嬴既係佢既, 輸既係我既)