第七章 - 東南亞潮牌

標題講緊既就係Giordano(709)。  最近選股都離唔開留意身邊隨處可見既企業, 這樣選股好處之一就係憑自己所見所聞去判斷是否值得買入, 考自己眼光, 而非攞number、聽雜音。


作為一名業餘炒散, 雖然希望自己可以盡可能去了解不同行業不同企業公司的表現, 但由於時間及資金有限而機會又往往一瞬即逝, 因此我選擇採取了80/20定律, 用最短既時間去簡略了解大部分公司既表現。

Giordano係其中一隻我一直有留意既股票, 市值雖細 (50億樓下), 但現金流強, 多年保持穩定派息, 息率高 (7-9厘)。

以上既係佢既基本面, 然後就係佢係我心目中既形象。Giordano感覺比Baleno, Bossini做得好, 但又不及Uniqlo受香港人歡迎, 而如果屋企有工人姐姐既可能都知道Giordano係東南亞既名牌, 送比佢地會好開心。Giordano越開越多, 而且旗下品牌都唔少, 有時行街我都會入去睇下有冇岩心水既西裝。

呢個品牌早幾年仲好吃香, 大陸自由行客唔少, 但近年經濟差, 自由行都少左, 又貿戰, 所以我心唸佢生意都應該差左唔少, 正如我之前估Vtech(303)同大昌行(1828)咁, 盈警應該唔少得佢。昨日收市後真係不出所料發左盈警, 預料中期純利減少38%, 心唸, 機會黎喇!!!

但當然唔會貿貿然all in啦, 因為本身都有略略留意開佢, 所以就直接睇通告, 盈警原因係經濟疲弱、貿戰云云...十隻消費股八隻都係呢個原因, 所以我認為好正常。然後再做due diligence, 公司長年派高息, 管理層亦承諾將來能力許可會保持派高息, 公司現金流強勁, 再睇返上年同期有回購@$4.39, 睇埋d財演既評價, 應該唔似派貨格...... 所以機會應該真係黎喇! 今日開市如期低開, 我即刻排低幾格等入貨, 點知中午前竟然升返上去, 最後係收市競價終於排到我, $3.04入 (鬆一口氣~)

講返預期, Giordano最近已經回套左唔少, 個人覺得已經price in左經濟壞既清息, 今日盈警再跌10%, 製造買入機會, 而且好似上星期大昌行咁出盈警翌日竟然先跌後回升, 有點壞消息盡出見底回升的味道..  但理性咁講, 無人可以買在最低點賣在最高點既, 買入價計11厘息, 經濟差打個65折, 都有7厘回報, 個人黎講都係可接受範圍。再加上個人對呢間企業印象良好, 覺得係間好公司, 相信公司表現及股價有望在經濟回暖時回升, 簡單d講就係搏佢見底啦~

現時倉位：
恆基發展(97)  20%
恆基地產(12)  25%
中國銀行(3988)  18.5%
Giordano (709) 15%
現金 - 21.5%

第六章 - 爆炒例子

心血來潮, 想整理一下近期爆炒既股票, 或許有助日後選股之用:

新股/半新股: 

毛記葵涌 (1716)
中國鐵塔 (788)
中煙香港 (6055)
優品360 (2360)


藍籌/實力股:

領展 (823)
港鐵 (66)
中華煤氣 (3)
維他奶 (345)
HKTVMall (1137)

這些都和民生、硬需求有關! (科技股似乎不在列, 看來不同經濟週期爆炒股也有所不同)

第五章 - 選股由新股開始

最近有感長線投資者最佳的投資時機, 也許是新股上市之時。但又有多少投資者有如此眼光能在云云新股中, 預見未來發光發亮的那一隻呢?

現在的我, 選新股時會問自己以下三條問題:

1. 這間企業是否在100年後能生存?

2. 它是否大到不能倒?

3. 是否相信它將會強勢增長?

有兩條或以上答案為是的話, 就要再看股價是否在合理區間。如果是的話就去馬吧~


後加一條:

4. 是否存在壟斷或是行業龍頭?

分享文章: 偉哥投資手札: 股票除息的潛在獲利機會

分享偉哥一篇股息除淨見解:

偉哥投資手札: 股票除息的潛在獲利機會

加上自己經驗所得, 以下操作有可能帶來利潤?

1. 有貨的話, 除淨前沽出, 除淨後買入 (所得差價可能比股息更高)

例如: 電能(6) / 恆基及展(97) / 恆地(12) / 中銀(3988)

2. 無貨的話, 除淨前做空? (同一道理, 但本人未嘗試過做空)

3. 無貨但想買入的話, 待除淨後才買入 (或能以較抵價買入持貨)

第四章 - 變幻莫測

貿易戰火重燃, 由一個月前大牛市到現在幾乎重投熊市懷抱..短短一個月變化之大真係捉摸不到。倉位當然損失不少, 但亦因主要為收息股, 所以面對跌市也算比較淡定。

回想自己的投資路及投資心態:
- 09年睇財演推介買股, 小注怡情, 幾乎一面倒向下走, 多年無再買股
- 17年靠自己留意細價股市況, 膽粗粗大注炒即日仙, 贏幾千幾千
- 18年學抽新股, 自學睇通告, 睇中隻半新股, 係5分鐘內贏左4萬; 之後心紅...跟所謂炒細價股KOL炒股, 前後幾次輸返晒有突, 及後至醒覺自己跟住炒, 永遠都會慢半拍, 接貨就有我份...
- 19年唔再跟財演買, 靠自己睇個股又執返幾萬...到而家轉睇大價股、藍籌, 用自己一套既價值投資選股...

經歷唔算得上好多, 但呢幾年既市況波動應該係百年難得一見...

由於個倉都係優質股, 所以跌市下, 都唔會好似以前咁頻繁操作。係有少少赤, 但收返d息當安慰獎啦。大不了咪長揸囉, 做個偽財務自由追隨者都好~

個人見解: 現階段恆指兩萬七, 話低又唔及年頭二萬四低, 但好多個股既股價比年頭仲殘, 實在太多抵買優質股... 有子彈的話, 分階段入市又何妨?

恆基 (12): 41.15 / PE 6.39 PB 0.64 / 息3.98% 10送1
VTech (303): 65.2 / PE 12.18 PB 3.23 / 息8.07%
中銀 (3988): 3.26 / PE 4.85 PB 0.52 / 息6.43%
大昌行(1828): 2.43 / PE 5.51 PB 0.45 / 息7.17%

第三章 - 牛市來臨？

12/4 見市況稍微回調，再將部分可用資金追入中國銀行(3988)，搏牛市來臨時內銀價值回歸，貪高息5.7厘，趕在5月尾除淨6月中派息。

現時倉位：
恆基發展(97) - 20%
恆基地產(12) - 25%
中國銀行(3988) - 18.5%
現金 - 36.5%

第二章 - 出手機會

市場氣氛好、勢好，提早買入第一注恆基地產(12)@49.55。

若後市回調，候機買入第二注。

現時倉位：
恆基發展(97) - 20%
恆基地產(12) - 25%
現金 - 55%